庚寳二候時

潮妹娘妹一「頸」之差
大膽阿Sa鏈贏鬼崇Stephy
18/07/2007
文： 專案組


阿Sa


阿嬌


鄧麗欣


鍾嘉欣

同樣是頸鏈，有人戴出自我風格，為一身打扮起畫龍點睛的作用，有人卻總是顯得格格不入。星級形象顧問KaKa大讚阿Sa的長頸鏈配搭得宜，反而Stephy的短頸鏈則毫不起眼！

阿Sa 白搭出「飾」

「阿Sa呢個打扮都好靚，白色衫戴誇張啲嘅飾物唔會錯，即管大膽啲，搶眼啲都唔怕！」


阿嬌 襯埋一Set

「阿嬌呢身打扮好穩陣，成個Look係同一個色系，頸鏈同鞋都襯埋，感覺上條頸鏈會好突出！」


鄧麗欣 唔覺戴��

「Stephy（鄧麗欣）呢條鏈嘅長度太尷尬，啱啱去到領口，好易會走到衫入面，同埋佢放太多頭髮喺前面，令人留意唔到佢條鏈，太鬼祟。」

得手組
傅穎 高度取勝

「傅穎身形夠高，條鏈長到落胃，好適合佢。其實唔同高度嘅人，頸鏈嘅長度都唔同，不過如果要戴幾層嘅鏈，最長都唔好去到胃。」

關淑怡 潮得穩陣

「關淑怡用金色、黑色相間嘅頸鏈嚟襯金色晚裝裙，好有自己風格，有型得嚟又有時代感，穩重又不失特別。」

容祖兒 Rock味搭夠

「祖兒用古銅色嘅誇張頸鏈襯條黑色裙，效果幾Rock又夠重型，以佢嘅身高襯得好好睇。」

官恩娜 三角「型」鏈

「官恩娜呢條由多個三角形組成嘅頸鏈，好型，好啱佢！襯到成個Look好有時代感，感覺好特別！」

失手組
胡琳 變八妹仔

「條鏈完全係錯，一條蝴蝶結加鎖匙嘅頸鏈好唔襯。其實蝴蝶結本身好難襯得好睇，一唔小心就會變成『八妹仔』。」

鍾嘉欣 襯錯手錶

「鍾嘉欣嘅頸鏈同條裙都好有少女味，可惜佢隻手錶同黑色嘅戒指完全襯唔到個Look。」

鄭融 唔夠隆重

「鄭融件衫質地令身，適合佩戴啲隆重嘅飾物，例如大型嘅金色鏈，長度應該加長啲，依家佢條鏈就太簡單，冇乜裝飾作用。」

Ka Ka小檔案
Ka Ka是本港著名藝人的形象顧問，經她指導下，小妹妹的Twins和鄰家女孩的容祖兒，紛紛變成萬人偶像。此外，Ka Ka身兼多媒體創作人、寫作、自製飾物及參與廣告製作。