庚寳二候時

今 年 3 月 尾 ， 陶 大 宇 老 婆 阿 寶 爆 大 鑊 ， 指 因 為 第 三 者 介 入 ， 與 老 公 離 婚 ， 矛 頭 直 指 郭 羨 妮 ， 令 「 狐 妮 」 惡 名 遠 播 。 4 月 初 郭 出 席 《 回 歸 預 演 》 活 動 後 ， 便 遭 無 綫 雪 藏 ， 連 劇 集 《 學 警 出 更 》 宣 傳 亦 被 飛 。 四 面 楚 歌 下 ， 郭 羨 妮 精 神 險 崩 潰 ， 惟 有 匿 埋 避 鋒 頭 。
在 香 港 消 失 了 三 個 多 月 的 郭 羨 妮 ， 原 來 靜 雞 雞 返 回 溫 哥 華 住 在 老 竇 屋 企 。 本 刊 搜 刮 了 兩 星 期 ， 終 於 在 Coquitlam 發 現 郭 的 蹤 影 。 樣 子 憔 悴 的 她 ， 在 記 者 面 前 誓 神 劈 願 力 證 自 己 無 辜 ， 並 斬 釘 截 鐵 謂 ︰ 「 我 同 佢 冇 可 能 。 」 擺 明 跟 大 宇 畫 清 界 線 ， 一 洗 惡 名 。

自 從 爆 出 因 郭 羨 妮 介 入 而 離 婚 的 消 息 後 ， 陶 大 宇 一 直 維 護 郭 羨 妮 ， 更 將 事 件 全 攬 上 身 。 6 月 他 接 受 新 浪 網 專 訪 時 ， 更 默 認 與 郭 羨 妮 在 發 展 當 中 ， 「 我 和 郭 羨 妮 一 開 始 就 是 朋 友 ， 和 她 發 展 沒 有 不 可 能 ， 我 們 現 在 常 有 聯 絡 ， 並 不 如 狗 仔 隊 所 說 互 相 躲 避 。 」

畫 清 界 線

大 宇 一 廂 情 願 戀 妮 ， 但 匿 喺 溫 哥 華 避 鋒 頭 的 郭 羨 妮 卻 並 不 領 情 ， 更 決 絕 畫 清 界 線 。 6 月 27 日 黃 昏 ， 記 者 終 在 溫 哥 華 Coquitlam 的 商 場 發 現 郭 的 蹤 影 。 當 時 她 不 施 脂 粉 ， 與 一 名 年 約 六 十 多 歲 的 男 人 逛 街 買 鞋 。 記 者 趁 她 到 停 車 場 攞 車 時 上 前 訪 問 她 ， 她 見 到 記 者 十 分 愕 然 ， 其 身 旁 的 男 子 更 嚇 到 彈 至 老 遠 。 郭 先 開 口 問 ： 「 點 解 你 哋 會 嚟 呢 度 ？ 咁 犀 利 嘅 。 唔 好 影 我 阿 爸 ， 佢 唔 鍾 意 曝 光 。 」
記 ： 溫 哥 華 好 多 人 識 得 你 喎 ？
郭 ： 係 咩 ， 我 諗 係 ， 好 多 人 叫 我 做 Madam 。
記 ： 陶 大 宇 話 同 你 有 發 展 可 能 。
郭 ： 我 冇 認 過 ， 佢 講 嘅 唔 關 我 事 。 （ 十 分 激 動 ）
記 ： 其 實 由 始 至 終 你 哋 有 冇 … …
郭 ： （ 打 斷 記 者 問 題 ） 冇 ！ 人 哋 嘅 婚 姻 關 我 咩 事 啫 ！ 都 唔 知 點 解 拖 我 落 水 ， 唉 … …
記 ： 你 哋 唔 會 發 展 ？
郭 ： 我 諗 我 唔 會 囉 ！
記 ： 你 唔 會 ？
郭 ： 係 。
記 ： 好 決 絕 喎 ！
郭 ： 係 呀 ！
記 ： 咁 依 家 你 哋 咩 關 係 ？
郭 ： 普 通 朋 友 。
記 ： 有 冇 聯 絡 ， 大 家 關 心 吓 ？
郭 ： 冇 聯 絡 ， 點 關 心 我 呀 ？
記 ： 點 解 放 假 咁 耐 ？
郭 ： 之 前 身 體 麻 麻 哋 ， 瘦 咗 好 多 ， 過 嚟 呢 邊 o抖 吓 囉 。
記 ： 據 聞 你 今 次 返 嚟 見 過 前 度 男 友 Jimmy （ 空 中 少 爺 ） 。
郭 ： 冇 ， 真 係 冇 見 過 ， 有 我 唔 怕 認 。
記 ： 香 港 搬 咗 屋 喎 ！
郭 ： 媽 咪 投 訴 太 遠 ， 好 唔 方 便 ， 咪 搬 囉 。
記 ： 租 嘅 ？
郭 ： 係 租 嘅 ， 我 未 有 錢 買 樓 ， 努 力 啲 做 嘢 。
記 ： 依 家 心 情 點 ？
郭 ： 好 好 多 ， 之 前 拍 《 古 靈 精 探 》 好 攰 、 好 瘦 ， 嗰 時 又 病 ， 橫 掂 都 係 o抖 ， 不 如 返 嚟 呢 邊 o抖 ， 依 家 肥 咗 5 磅 。

唔 再 諗 拍 拖

記 ： 依 家 有 冇 諗 感 情 ？
郭 ： 唔 諗 喇 ！ 唔 諗 喇 ！
記 ： 會 唔 會 再 同 圈 中 人 拍 拖 ？
郭 ： 唔 會 喇 ！
記 ： 《 學 警 》 收 視 麻 麻 ， 會 唔 會 返 港 宣 傳 ？
郭 ： 唔 知 呀 ！ 我 諗 唔 會 喇 ， 遲 啲 我 喺 多 倫 多 有 個 function 。
記 ： 之 前 有 傳 你 同 溫 兆 倫 合 作 拍 內 陸 劇 ？
郭 ： 我 未 收 到 呢 個 消 息 ， 未 聽 過 。
記 ： 放 長 假 點 消 磨 時 間 ？
郭 ： 幾 好 吖 ！ 去 做 吓 瑜 伽 ， 同 朋 友 食 吓 飯 。 唔 講 嘞 ， 我 要 接 老 竇 返 屋 企 。
說 罷 便 禮 貌 與 記 者 道 別 ， 雖 然 郭 指 自 己 肥 了 ， 但 記 者 當 日 所 見 ， 郭 不 但 瘦 了 一 碼 ， 而 且 面 容 憔 悴 ， 看 來 今 次 捲 入 大 宇 離 婚 風 波 中 ， 令 她 心 力 交 瘁 ， 休 息 了 兩 個 多 月 都 未 回 到 氣 。

反 口 唔 認 戀 妮

香 港 呢 邊 廂 ， 護 妮 護 到 底 的 陶 大 宇 ， 6 月 30 日 首 次 為 《 學 警 》 宣 傳 ， 被 記 者 圍 住 逼 供 時 ， 仍 十 分 勞 氣 ， 叫 記 者 咪 再 踩 「 狐 妮 」 ︰ 「 大 家 適 可 而 止 ， 踩 又 踩 過 ， 係 咪 要 人 死 至 安 樂 ， 咁 寫 佢 係 傷 害 性 嘅 稱 呼 。 」 更 聲 稱 不 知 郭 身 在 何 處 及 兩 人 冇 聯 絡 。
不 過 ， 之 後 記 者 再 問 他 知 唔 知 郭 在 加 拿 大 時 ， 他 卻 改 口 話 知 。 當 記 者 將 郭 羨 妮 的 拒 愛 宣 言 告 知 大 宇 ， 他 竟 說 ︰ 「 呢 啲 假 設 性 問 題 我 唔 答 ， 我 都 冇 講 過 （ 同 佢 有 發 展 可 能 ） ！ 」 問 到 覺 唔 覺 得 犧 牲 好 大 時 ， 他 激 動 話 ︰ 「 件 事 都 過 咗 咁 耐 ， 應 該 告 一 段 落 啦 ， 仲 踩 唔 夠 咩 ！ 」
郭 羨 妮 友 人 透 露 ： 「 Sonija （ 郭 羨 妮 ） 同 我 呻 過 ， 話 好 大 壓 力 ， 覺 得 自 己 好 無 辜 ， 又 話 件 事 搞 成 咁 ， 可 能 同 大 宇 連 朋 友 都 冇 得 做 。 總 之 佢 依 家 連 電 話 都 熄 埋 ， 話 唔 想 啲 無 謂 人 再 打 嚟 ， 依 家 都 係 用 MSN 同 佢 溝 通 。 」
近 三 個 多 月 ， 大 宇 忙 於 拍 攝 《 和 味 濃 情 》 ， 相 反 郭 就 匿 埋 唔 見 人 。 記 者 連 日 觀 察 ， 郭 羨 妮 在 溫 哥 華 甚 少 外 出 ， 30 日 早 上 8 時 許 ， 她 獨 個 兒 揸 車 到 距 離 寓 所 十 分 鐘 車 程 的 公 園 跑 步 ， 之 後 便 到 超 巿 買 生 果 ， 生 活 刻 板 ， 與 五 光 十 色 的 娛 樂 圈 生 活 大 大 不 同 。 乖 乖 在 加 國 洗 底 的 郭 羨 妮 ， 據 知 與 TVB 還 有 兩 年 約 ， 目 前 正 逐 漸 獲 無 綫 解 凍 ， 並 於 8 月 正 式 復 工 。

緋 聞 女 王

郭 羨 妮 99 年 奪 港 姐 冠 軍 後 ， 至 今 一 直 緋 聞 不 絕 ， 拍 劇 生 情 的 多 不 勝 數 。

00 年 9 月 古 天 樂
郭 羨 妮 與 古 天 樂 在 大 陸 拍 攝 《 尋 秦 記 》 時 ， 曾 一 度 神 秘 失 蹤 16 小 時 ， 有 傳 當 時 郭 在 古 天 樂 房 間 ， 緋 聞 傳 出 後 兩 人 十 分 避 忌 ， 連 合 照 都 勁 尷 尬 。

00 年 10 月 谷 德 昭
谷 德 昭 被 好 友 踢 爆 暗 戀 郭 羨 妮 ， 兩 人 被 發 現 在 蘭 桂 坊 撐 枱 腳 後 ， 谷 在 郭 的 香 閨 短 聚 3 小 時 。

01 年 6 月 黃 子 華
郭 自 爆 與 空 中 少 爺 男 友 Jimmy 結 束 3 年 戀 情 ， 同 月 被 傳 與 黃 子 華 拍 電 影 《 一 蚊 雞 保 鑣 》 戲 假 情 真 ， 郭 更 不 時 出 入 子 華 寓 所 。

02 年 6 月 馬 浚 偉
拍 攝 《 帝 女 花 》 時 ， 傳 她 與 馬 浚 偉 日 久 生 情 ， 最 後 ， 郭 直 指 有 人 博 宣 傳 ， 兩 人 最 終 反 目 收 場 。

02 年 10 月 溫 兆 倫
拍 攝 《 牛 郎 織 女 》 時 ， 溫 兆 倫 以 菠 蘿 包 攻 勢 ， 成 功 奪 得 羨 妮 芳 心 ， 郭 大 讚 溫 兆 倫 是 好 男 友 兼 好 老 公 ， 但 04 年 2 月 ， 有 周 刊 報 道 郭 羨 妮 戀 上 已 婚 的 鄧 梓 峰 而 飛 溫 兆 倫 ， 郭 即 與 溫 兆 倫 十 指 緊 扣 闢 謠 ， 但 兩 人 戀 情 終 於 04 年 尾 玩 完 。

05 年 5 月 馬 德 鐘
郭 羨 妮 與 馬 德 鐘 在 內 地 拍 攝 《 爭 霸 》 時 ， 因 日 夕 相 對 而 傳 緋 聞 。 去 年 10 月 ， 兩 人 更 被 周 刊 拍 下 於 尖 沙 嘴 連 卡 佛 拍 拖 ， 之 後 馬 德 鐘 太 太 張 筱 蘭 更 帶 仔 遠 走 歐 洲 。

06 年 5 月 陳 國 強
有 傳 已 婚 的 陳 國 強 秘 密 搭 上 郭 羨 妮 ， 有 殼 照 的 郭 換 車 又 換 屋 ， 又 擔 正 殼 王 投 資 電 影 《 臥 虎 》 的 女 主 角 。 拍 攝 時 ， 郭 更 獲 殼 王 的 保 鑣 護 駕 ， 其 後 因 傳 出 他 偷 會 馬 德 鐘 而 激 嬲 殼 王 。

07 年 3 月 陶 大 宇
陶 大 宇 妻 子 阿 寶 爆 郭 羨 妮 介 入 其 婚 姻 ， 令 兩 人 離 婚 。

搞 婚 外 情 死 硬

男 藝 人 搞 婚 外 情 ， 多 數 冇 好 下 場 ， 不 但 損 形 象 ， 事 業 插 水 ， 更 可 能 賠 上 婚 姻 。

馬 德 鐘
無 女 不 歡 的 馬 德 鐘 ， 每 次 拍 劇 均 與 女 主 角 傳 出 緋 聞 ， 郭 可 盈 、 郭 羨 妮 、 佘 詩 曼 等 都 先 後 成 為 他 的 緋 聞 女 友 ， 早 前 更 被 周 刊 拍 到 與 女 伴 遊 泰 國 ， 除 老 婆 帶 埋 仔 出 走 歐 洲 外 ， 事 業 直 插 谷 底 ， 近 日 馬 德 鐘 為 挽 救 事 業 ， 多 次 帶 同 老 婆 出 席 大 小 活 動 。

羅 嘉 良
羅 嘉 良 與 宣 萱 多 次 傳 出 緋 聞 ， 於 03 年 ， 40 歲 生 日 前 夕 ， 因 醉 酒 駕 車 不 顧 而 去 ， 被 揭 發 當 時 車 上 另 一 女 子 是 宣 萱 ， 一 度 鬧 婚 變 ， 多 年 來 好 男 人 形 象 大 打 折 扣 ， 後 來 與 老 婆 復 合 ， 事 業 才 見 曙 光 。

歐 錦 棠
03 年 歐 錦 棠 被 傳 媒 拍 下 與 唐 寧 食 飯 傳 出 緋 聞 ， 雖 然 歐 錦 棠 多 年 來 事 業 都 浮 浮 沉 沉 ， 但 緋 聞 一 出 ， 其 事 業 更 停 滯 不 前 ， 直 至 近 年 ， 事 業 才 稍 有 起 色 。


郭 父 與 郭 母 多 年 來 聚 少 離 多 ， 今 次 郭 返 加 散 心 ， 郭 母 竟 沒 有 同 行 ， 反 而 留 港 幫 愛 女 搵 新 屋 。 《 壹 本 便 利 》 圖 片


老 竇 解 心 結
郭 羨 妮 的 父 親 首 次 曝 光 ， 從 側 面 看 ， 兩 人 的 輪 廓 十 分 相 似 。


我 冇 認 過 ， 佢 講 嘅 唔 關 我 事 。
6 月 27 日 決 絕 斬 纜
郭 一 身 運 動 服 ， 不 施 脂 粉 ， 與 昔 日 艷 光 四 射 的 「 索 妮 」 兩 個 樣 ， 加 上 她 刻 意 戴 上 cap 帽 遮 面 ， 差 點 教 人 認 不 出 她 。


有 指 陶 大 宇 與 郭 羨 妮 拍 《 學 警 》 咀 出 愛 火 ， 劇 集 播 出 後 ， 有 指 因 兩 人 的 緋 聞 令 收 視 欠 佳 ， 平 均 收 視 僅 得 28 點 （ 約 181 萬 觀 眾 ） 。 《 壹 本 便 利 》 圖 片