庚寳二候時

非正式統計，TVB當紮花旦人均年齡30歲以上。

[看黎姿、佘詩曼、蔡少芬、邵美琪，早已屆一枝花之齡了；連後起的楊怡、楊思琦，都不再廿四五了。

鍾嘉欣可能是一眾姐仔中，最有本錢的一個。

未揭曉她的芳齡，先分析她的拍檔層面，熱播中的《溏心風暴》跟三十出頭的蒙嘉慧爭林，未出街的《珠光寶氣》，對手一網打盡要搽厚粉先見得人的電視城中女。

鍾嘉欣贏的正是青春。

遲來先上岸，03年選華姐封后，去年台慶已爬頭奪得「飛躍進步女藝人」；更難得的是，出道三年幾，仍未淪為娛記筆下的姣精波精狐狸精……3

形象比起拋過胸的華裔師姐葉璇廖碧兒，矜貴得多。

「好想Keep住個形象，一直都咁Clean。」

22歲的鍾嘉欣，真正的無添加，但願下場不要似梁詠

鍾嘉欣的確無添加，看雜誌偷拍她的照片，不是素顏迫地鐵，便是逛出口店掃平衫，鄰家女孩到不得了。

「我細個屋企好窮，Afford唔到太奢侈的生活，來香港做演員，我都堅持搭地鐵代步。」

入行三年，還會是白紙一張嗎？看近年的鍾嘉欣，由不起眼的小女孩變成比堅尼泳衣騷紅人，圍繞在她身邊的名字有鄭伊健、林、陳豪……

幕幕精彩的包括，林峰與她同車換褲，最Update的是寫她強搶廖碧兒男友、電召陳豪接返工。

力壓港姐曹敏莉封后，「比賽當晚好似鬼上身，表現超出準。」

帶眼識人

「我傳過咁多次緋聞，鄧兆尊、鄭伊健、林峰、陳豪冇一單係真，我冇睇林換褲、我冇坐陳豪車，鄭伊健拍完劇就冇聯絡喇！」鍾嘉欣十分激動。

「我答記者問題，係就係、唔係就唔係，如果答『唔回應』，人又話我默認。」這就是老練與幼嫩的分別了，看佘詩曼回應緋聞，報導寫得再肉酸也不慍不火，鍾嘉欣呢，激動得差點要舉起三隻手指發誓。

「唉，我真係好怕睇到呢?報道，又怕媽咪睇到擔心。」鍾嘉欣說，很多人批死她入娛樂圈會變質，所以她的警覺性很高。

「記得有個前輩提醒我：你在香港冇人冇物，個樣又好似好脆弱咁，好多男仔會借機會保護你，你要帶眼識人。」

單純唔等於冇腦。鍾嘉欣說，入行後一直有人追，只是她從不動心，「約食飯我會去，咪叫多個朋友一齊去囉。」冷不防我單刀直入，電視城好多小生追你？「唔……我諗唔會係追囉，大家都簽了TVB經理人，我諗佢唔敢。」答案又似是而非。

要鍾嘉欣逐一評價她的緋聞男友，唯一肯講的是鄭伊健，「佢係我合作過的男拍檔之中，人品最好的一個，我私底下冇再聯絡，但拍《隨時候命》時，都會傾心事，我有唔識，佢會教我。」緋聞，未必係真，但又假唔晒，看她的眼神，總帶點患得患失。

入行三年已先後與馬浚偉、陳浩民、林文龍及鄭伊健咀過，熒幕初吻則給了吳卓羲。

灰姑娘

鍾嘉欣在加拿大溫哥華以東的小鎮出生，家有一兄一姊，父母靠勞力養活他們三兄妹。「你問我點解咁勤力？因為細個眼見爸爸媽媽好辛苦工作，佢冇乜讀書，都有本事供我讀大學。」"

鍾嘉欣說，她們在溫哥華那間屋鄰近墳場，是窮等人家才會住的地區。

一家五口雖然窮，但生活得很快樂。「爸爸一朝早出門口返工，媽咪湊完我返學再去酒樓推點心，到我放學，媽咪就會帶埋我去做鐘點的地方打掃，夠鐘就一齊返屋企食飯，飯後爸爸負責洗碗，媽咪又趕去做第二份兼職。」

鍾嘉欣是現實版的灰姑娘，讀書時代人有我有的名牌書包靚筆盒，她從未擁有過，穿的都是家姐的舊衫，「十六七歲，同學個個學化妝，晒吊帶背心返學，我都是那件黑色Jacket，仲要戴副好娘的眼鏡，冇人話過我靚。」

考上溫哥華UBC大學後，醜小鴨終於變天鵝了。「爸爸買了隱形眼鏡給我後，終於有男仔追，最Magic的是有次去Ball，我換了一條One Piece裙，班同學見到我呆。」

變靚後的鍾嘉欣代表溫哥華參選華裔小姐，但講靚，一山還有一山高，她未選已打定輸數。「我那屆的大熱是『翻版常盤』徐自賢、曹敏莉、洪巧玲，每次出席活動，記者一定搵大熱門影相，我係大冷門，記者行過我身邊，都唔會望多眼，那時真的好冇信心，我個樣係咪真係平凡得咁緊要？」

由大冷門到爆冷奪冠，原來要多謝評判陳慧琳。「參選前一日見評判，之後有記者問Kelly有冇心水，因為佢講了一句『鍾嘉欣好甜』，第二朝班記者就捉我出來影相，又煲我是大熱，仲要贏埋冠軍，又係好Magic。」

華裔小姐時的官方照娘樣。

Magic Time

來港三年，鍾嘉欣流的眼淚比她在加拿大的18年還要多。

「唔開心，係因為冇人幫到我，有問題得我一個面對，好多人話我好彩，一入行就做主角，問題係我根本唔識做戲，我成日諗，到底要到幾時先開竅呢。」

鍾嘉欣第一份工作是在時裝版《皆大歡喜》的「洪白嵐」，「我一粒中文字都唔識，屋企人又在加拿大，惟有搵公司的梳頭阿姐、茶水阿姐幫我併音，返到屋企逐句背，每日學幾個中文字，每拍一場戲，都好似考試咁

相比起同輩，鍾嘉欣比人行快一步，第二套《隨時候命》已經擔正了。姐仔們捱上七八年才爭取到的機會，她垂手可得。

「我演技差麻。」她苦笑。

自嘲戲屎的鍾嘉欣，去年正正憑《隨》劇奪得《飛躍進步女藝人》，相比起華姐封后，更加爆冷。

「台慶頒獎禮那晚，我一坐低，司儀已經叫我個名上台，好似發夢咁，返埋位淨係識得喊。」情況就如佘詩曼一夜間做了雙料視后，時勢造英雄。「係Magic Time先真。」她笑得比糖更甜。

不介意行性感內衣騷，皆因肉價有市。

抬頭

上年爆冷奪得「飛躍進步女藝人」的鍾嘉欣，最擔心出街畀人鬧。

出到街，我真係好驚畀觀眾指住鬧，我知自己根本未得，第一套劇已經有獎，自己演技咁差，都唔好意思。」她坦白得可愛。

「拍《溏心》，場場唔係同林談情就係嗌交，我拍拖經驗少，所以拍之前兩個禮拜日日匿埋屋企煲韓劇惡補演技，參考人點嗌交、點喊，原來做戲係用對眼，唔係用把口。」

上星期的《溏心風暴》，常在心發現程亮有第三者那集，收視高開39點，比李司棋的大契歸天那集，還要高五點。鍾嘉欣終於實至名歸，可以抬起頭做人了。

「呢排出街，觀眾猛叫我常在心，仲讚我做得好添。」

鍾嘉欣的故事告訴我們，這個世界沒有Magic，沒有心存僥倖，只有將勤補拙。共勉之

童年的嘉欣，怕醜內向。



去年台慶頒獎禮在三哥手上奪得《飛躍進步女藝員》，落台喊到收唔到聲。

《溏心風暴》常在心一角性格討好，比做狐狸精的蒙嘉慧好彩得多。