庚寳二候時

留言集 : 得得哋　林峯

這 篇 訪 問 的 引 言 ， 原 本 打 算 這 樣 寫 ：
「 曾 幾 何 時 的 林 峯 ， 被 觀 眾 狠 狠 地 看 扁 。 住 豪 宅 ， 揸 跑 車 ， 父 親 是 富 商 ， 橫 看 豎 看 ， 只 像 紈 絝 子 弟 。 可 是 ， 這 兩 年 ， 他 的 『 鋒 頭 』 被 一 班 老 死 蓋 過 ， 這 邊 廂 的 吳 卓 羲 ， 有 官 恩 娜 + 佘 詩 曼 + 賣 飛 佛 + 借 錢 唔 還 ； 那 邊 廂 的 黃 宗 澤 ， 有 胡 杏 兒 + 陳 法 拉 + 前 女 友 隆 胸 後 抽 水 宣 傳 ； 相 比 之 下 ， 『 富 家 子 』 林 峯 ， 反 而 顯 得 乾 淨 踏 實 。 當 年 眾 矢 之 的 ， 幾 經 辛 苦 ， 終 於 洗 『 底 』 成 功 … … 」
真 的 天 有 不 測 之 風 雲 。
本 周 一 ， 有 報 道 指 林 峯 在 北 京 拍 劇 期 間 ， 與 一 名 當 地 舞 孃 「 玩 過 幾 晚 」 ， 簡 單 點 來 說 ， 是 給 人 「 爆 大 鑊 」 。
事 件 不 論 是 真 是 假 ， 林 峯 辛 苦 洗 擦 乾 淨 的 「 底 」 ， 又 一 再 花 了 。
「 惟 有 當 同 《 溏 心 風 暴 》 做 宣 傳 囉 ， 反 正 我 係 做 個 花 花 公 子 。 」
語 氣 之 無 奈 ， 比 當 年 咬 牙 切 齒 說 沒 有 靠 父 蔭 還 要 強 烈 。
娛 樂 圈 ， 向 來 是 一 將 功 成 萬 骨 枯 ， 你 上 我 落 。
本 來 打 算 說 林 峯 「 得 咗 」 ； 如 今 ， 只 可 說 「 得 得 哋 」 。

洗 底

男 人 死 穴 ， 不 外 乎 錢 銀 女 人 。 本 周 一 ， 有 雜 誌 刊 登 了 一 則 林 峯 在 北 京 拍 《 歲 月 風 雲 》 期 間 的 花 邊 新 聞 ， 一 名 夜 店 舞 孃 自 稱 是 林 峯 女 友 ， 還 大 爆 兩 人 房 事 。
林 峯 拿 着 該 篇 指 控 他 的 報 道 ， 一 字 不 漏 地 看 ， 邊 看 邊 皺 眉 歎 氣 。
「 有 無 搞 錯 ？ 黐 線 o架 ！ 當 我 傻 咩 ！ 北 京 咁 多 狗 （ 仔 隊 ） ， 我 點 會 做 呢 啲 事 ？ 呢 個 女 仔 ， 應 該 係 朋 友 嘅 朋 友 ， 一 啲 都 唔 熟 。 」 非 常 激 動 。
「 好 多 前 輩 提 醒 過 我 ， 在 大 陸 拍 戲 ， 一 定 要 小 心 識 朋 友 ， 好 多 人 想 借 其 他 人 上 位 ， 娛 樂 圈 ， 無 鬼 就 唔 會 死 人 啦 。 」
林 峯 原 本 心 情 頗 佳 ， 開 版 那 張 相 只 靠 一 根 小 木 頭 支 撐 整 個 身 體 ， 他 吃 力 地 拉 着 麻 繩 ， 戮 力 交 足 表 情 。 但 當 看 到 剛 出 版 的 報 道 ， 心 就 往 下 沉 。
「 唔 回 應 實 俾 人 話 默 認 ， 回 應 又 話 你 死 撐 。 惟 有 當 同 《 溏 心 》 做 宣 傳 囉 。 」 嘴 巴 是 這 樣 說 ， 但 不 是 真 的 不 介 意 。
大 家 問 心 ， 三 五 年 前 ， 是 不 是 對 林 峯 都 有 點 偏 見 ？ 家 住 半 山 豪 宅 ， 出 入 是 平 治 跑 車 ， 父 親 是 有 名 商 家 ， 沒 有 人 信 他 會 認 真 拍 戲 之 餘 ， 還 一 面 打 量 他 身 邊 的 同 伴 ： 「 咦 ， 呢 個 吳 卓 羲 幾 靚 仔 ， 黃 宗 澤 都 好 似 唔 錯 噃 … … 」
家 境 好 ， 反 而 成 為 「 致 命 」 的 元 素 。 這 兩 年 ， 林 峯 默 默 拍 劇 ， 朋 友 們 默 默 換 車 換 畫 ， 此 消 彼 長 ， 觀 眾 自 然 有 比 較 。
「 過 去 兩 年 ， 真 的 有 『 洗 底 』 的 感 覺 。 以 往 觀 眾 只 針 對 我 的 出 身 ， 無 論 我 做 甚 麼 ， 都 無 人 信 我 真 的 是 認 真 工 作 。
「 今 次 ， 好 擔 心 自 己 在 觀 眾 心 目 中 的 印 象 又 差 番 。 」 語 氣 不 無 感 慨 。
緊 張 ， 是 應 該 的 。

大 劇

林 峯 比 他 的 平 輩 行 快 一 步 ， 他 九 八 年 入 行 ， 當 時 不 過 十 九 歲 。 扮 過 士 兵 扮 過 侍 應 ， 做 了 三 年 跑 龍 套 ， 才 拍 《 尋 秦 記 》 。
「 八 、 九 年 前 ， 電 視 台 的 小 生 都 是 三 十 歲 以 上 ， 很 少 我 這 個 年 紀 。 我 好 彩 ， 跟 很 多 前 輩 切 磋 過 ， 之 後 他 們 都 走 了 。 」
林 峯 拍 過 古 天 樂 、 吳 啟 華 、 陳 慧 珊 、 羅 家 良 ， 當 年 觀 眾 覺 得 他 幼 嫩 ， 如 今 倒 是 本 錢 。
「 撈 家 （ 羅 家 良 ） 印 象 最 深 ， 他 是 孭 得 起 大 劇 那 種 演 員 。 」
人 望 高 處 ， 要 拍 ， 就 拍 「 大 劇 」 。 跟 林 峯 做 了 個 小 統 計 ， 他 拍 了 十 九 部 電 視 劇 ， 當 中 大 部 分 是 三 、 四 十 集 的 大 製 作 ， 如 《 流 金 歲 月 》 、 《 血 薦 軒 轅 》 、 《 大 唐 雙 龍 傳 》 、 《 天 涯 俠 醫 》 、 《 覆 雨 翻 雲 》 ， 剛 拍 竣 的 《 歲 月 風 雲 》 ， 六 十 集 。
「 《 溏 心 風 暴 》 我 其 實 是 客 串 ， 監 製 找 我 回 來 負 責 談 情 說 愛 ， 不 過 都 佔 三 十 集 。 」
看 ， 多 神 氣 。
與 其 說 林 峯 有 這 種 命 水 ， 不 如 說 他 有 這 種 氣 質 。 有 些 演 員 着 起 龍 袍 唔 似 太 子 ， 但 林 峯 不 會 ， 他 的 角 色 ， 八 成 是 有 錢 仔 或 專 業 人 士 ， 最 「 小 品 」 那 套 ， 是 《 女 人 唔 易 做 》 的 「 sale 屎 」 。
跟 林 峯 討 論 這 個 「 有 錢 仔 」 問 題 ， 他 戚 一 戚 眉 ， 有 點 尷 尬 。 既 不 想 妄 自 菲 薄 ， 又 不 想 過 分 標 榜 。
這 些 年 來 ， 學 會 低 調 才 是 最 着 數 。
「 我 承 認 我 做 有 錢 仔 比 較 有 說 服 力 ， 做 一 些 『 地 踎 』 角 色 會 無 咁 神 似 ， 但 做 唔 做 到 ？ 得 ！ 得 ！ 得 ！ 一 定 得 ， 但 你 要 俾 時 間 我 去 觀 察 。
「 點 都 好 ， 起 碼 我 有 個 定 位 ， 咁 多 年 ， 總 算 無 白 費 。 拍 長 劇 ， 你 估 無 壓 力 咩 ？ 」

壓 力

林 峯 的 壓 力 ， 不 是 每 個 月 花 費 幾 多 供 車 供 樓 ， 而 是 最 現 實 、 最 避 無 可 避 的 中 華 民 族 問 題 。
「 我 不 單 是 長 子 ， 還 是 長 子 嫡 孫 ！ 我 輩 份 好 高 ， 有 好 多 侄 仔 侄 女 。 家 族 裏 頭 太 多 人 ， 個 個 『 睇 我 頭 』 ， 所 以 由 細 到 大 我 都 好 勝 ， 唔 想 衰 俾 人 睇 。 」
林 父 是 廈 門 著 名 建 築 商 ， 有 「 廈 門 李 嘉 誠 」 之 稱 ， 長 子 嫡 孫 照 計 順 理 成 章 承 繼 父 業 。 林 峯 曾 在 美 國 加 州 大 學 讀 過 一 年 建 築 ， 若 不 是 入 了 行 ， 很 可 能 已 是 建 築 師 。
「 有 想 過 返 去 幫 爸 爸 手 做 生 意 ， 但 做 了 這 行 咁 多 年 ， 現 在 叫 做 順 利 ， 無 理 由 離 開 。 反 正 爸 爸 媽 媽 沒 有 迫 我 ， 再 拍 多 幾 年 戲 先 算 。
「 就 算 真 的 返 去 幫 爸 爸 ， 又 要 從 頭 學 起 ， 也 不 是 一 件 容 易 的 事 。 他 也 有 他 的 辛 苦 ， 我 親 眼 見 過 ， 手 提 電 話 每 日 用 三 嚿 電 還 不 夠 。 」
情 況 就 如 《 流 金 歲 月 》 那 個 Oscar ， 戲 如 人 生 。
「 係 囉 ！ 」 林 峯 苦 笑 。
太 多 雙 眼 睛 看 着 自 己 ， 從 來 不 只 是 觀 眾 看 演 員 ， fans 看 偶 像 那 麼 簡 單 。
「 我 好 易 精 神 緊 張 ， 一 有 甚 麼 負 面 新 聞 ， 就 整 晚 瞓 唔 着 。 今 晚 ， 睇 怕 又 會 瞓 唔 着 … … 」
父 母 大 部 分 時 間 在 內 地 居 住 ， 林 峯 的 劇 ， 都 錄 起 來 。
「 以 前 批 評 較 多 ， 經 常 說 我 做 得 不 好 ， 媽 媽 又 會 『 哦 』 我 ， 為 何 要 日 夜 顛 倒 那 麼 辛 苦 。 現 在 他 們 開 通 了 很 多 ， 間 中 會 讚 我 一 句 。 」 沒 有 甚 麼 興 奮 得 過 得 到 父 母 的 認 同 。
「 好 多 藝 人 會 幫 自 己 打 算 ， 假 如 不 拍 戲 ， 還 可 以 做 甚 麼 ？ 我 知 我 有 後 路 可 退 ， 但 我 從 來 唔 諗 ， 一 諗 實 死 梗 ！
「 做 藝 人 只 有 破 釜 沉 舟 ， 才 有 希 望 成 功 。 」
不 過 ， 開 了 一 晚 通 宵 之 後 蹲 在 馬 路 旁 漱 口 刷 牙 遇 上 白 領 一 族 眼 望 望 這 等 狼 狽 ， 他 就 沒 有 跟 家 人 說 。
「 爸 爸 說 過 ， 無 論 做 甚 麼 都 好 ， 首 先 學 做 人 ， 之 後 才 學 做 事 。 要 人 信 你 真 的 有 心 ， 先 要 放 下 身 段 ， 況 且 ， 我 不 過 是 個 普 通 後 生 仔 ， 沒 有 甚 麼 身 段 可 言 。 」

生 還 者

是 有 不 同 的 。 起 碼 ， 自 小 見 識 過 富 貴 榮 華 的 林 峯 ， 紅 了 之 後 不 會 一 下 子 財 迷 心 竅 ， 老 早 開 名 車 ， 不 會 動 不 動 身 痕 想 換 車 ； 看 見 我 們 準 備 的 Viktor & Rolf 恤 衫 ， 會 喃 喃 地 說 ： 「 三 千 五 蚊 ？ 使 唔 使 呀 ！ 」
心 思 反 而 可 以 專 注 在 工 作 上 。
「 呢 行 好 多 引 誘 ， 我 覺 得 自 己 幾 夠 定 力 。 」
三 年 前 有 「 奧 運 六 星 」 ， 之 後 有 「 新 五 虎 」 ， 去 年 有 「 世 界 盃 四 子 」 ， 六 變 五 、 五 變 四 ， 汰 弱 留 強 ， 不 是 人 人 可 以 留 低 ， 林 峯 是 生 還 者 之 一 。
「 TVB 有 四 個 錄 影 廠 ， 一 個 人 拍 唔 晒 嘅 ！ 現 在 多 了 幾 個 競 爭 對 手 ， 大 家 可 以 較 量 下 。 」
有 信 心 ， 就 不 怕 貨 比 貨 。 知 己 知 彼 ， 林 峯 知 道 自 己 的 強 弱 項 。
「 我 入 行 早 他 們 幾 個 少 少 ， 出 錯 機 會 比 較 少 。 死 穴 是 唔 出 聲 ， 最 怕 在 觀 眾 面 前 表 現 自 己 ， 所 以 我 絕 少 上 遊 戲 節 目 。 」
《 獎 門 人 》 林 峯 一 集 未 上 過 ， 九 年 來 只 上 過 一 次 《 15/16 》 ， 「 咁 啱 當 日 有 期 ， 甩 唔 到 身 ！ 」
要 表 現 自 己 ， 林 峯 寧 願 唱 歌 。 ○ 七 年 大 計 是 出 個 人 唱 片 ， 已 簽 了 英 皇 。
「 其 實 由 細 到 大 ， 最 大 興 趣 是 唱 歌 ， 七 、 八 歲 ， 姑 姐 彈 琴 我 就 唱 ， 爸 爸 把 我 唱 的 歌 都 錄 起 來 ， 那 些 卡 式 帶 到 現 在 仍 保 存 着 。 」
某 年 暑 假 ， 還 專 程 去 上 海 跟 老 師 學 了 兩 個 月 聲 樂 。 他 入 訓 練 班 之 前 ， 原 本 打 算 當 歌 星 ， 合 約 已 放 在 他 面 前 ， 只 欠 簽 名 。
「 覺 得 好 牙 煙 ， 心 知 唱 片 公 司 唔 會 有 太 大 budget 去 捧 新 人 。 都 係 做 演 員 穩 陣 ， 最 襟 撈 。 」

麻 麻 地

林 峯 說 ， 以 前 的 他 ， 會 刻 意 做 一 些 「 正 常 」 的 事 。 如 家 住 中 半 山 ， 返 聖 保 羅 男 校 ， 司 機 接 送 ， 本 來 只 需 十 分 鐘 ， 但 他 情 願 搭 小 巴 落 天 星 碼 頭 ， 再 與 同 學 搭 巴 士 ， 每 日 多 花 一 小 時 車 程 。
「 為 咗 同 班 同 學 平 起 平 坐 ， 唔 想 自 己 咁 突 出 。 」
含 着 金 鎖 匙 ， 未 必 等 如 事 事 如 意 。
入 行 後 漸 漸 學 識 不 介 意 別 人 目 光 ， 「 香 港 觀 眾 係 全 世 界 最 難 掌 握 嘅 觀 眾 ， 拍 得 仔 細 ， 可 能 會 覺 得 多 餘 ， 計 算 太 多 ， 通 常 計 錯 。 經 驗 話 我 知 ， 想 套 劇 收 得 ， 一 定 要 話 『 麻 麻 地 』 … … 」
因 此 ， 林 峯 覺 得 ， 《 溏 心 風 暴 》 麻 麻 地 好 睇 ， 他 飾 演 的 律 師 ， 一 腳 踏 兩 船 ， 與 蒙 嘉 慧 正 一 狗 男 女 乞 人 憎 … …
林 峯 的 故 事 告 訴 大 家 ， 娛 樂 圈 ， 沒 有 捷 徑 ， 沒 有 必 勝 之 道 ， 沒 有 金 枝 玉 葉 。